सोलुखुम्बुवाट पहिलो पटक प्रकाशित भएको सगरमाथा साप्ताहिक पुनः प्रकाशन हुने भएको छ ।

२०६४ बैशाखमा प्रकाशन शुरु भएको सगरमाथा साप्ताहिकको नाममा सुचना विभागमा त्यस अघि नै अर्को पत्रिका दर्ता भएका कारण नाम परिवर्तन गर्न भनिए पछि सो पत्रिका प्रकाशन बन्द भएको थियो ।

पत्रिका प्रकाशन बन्द हुँदा सगरमाथा साप्ताहिक १५ अंक प्रकाशन भइसकेको थियो । यस पटक भने सुचना विभागवाट समेत स्वीकृति लिएर सोलु समाचार साप्ताहिकका नाममा पत्रिका प्रकाशन हुन लागेको हो । नाम परिवर्तन गरी पत्रिका प्रकाशनका लागि जिल्ला प्रशासन कार्यालयले अनुमति पत्र समेत प्रदान गरिसकेको छ ।

सोलु एफएमले प्रकाशन गर्ने यो पत्रिकाको सम्पादकमा ङिमा पाख्रिन र कार्यकारी सम्पादकमा मनोजकुमार श्रेष्ठ रहनु भएको छ । पत्रिका सोलुखुम्बु तथा छिमेकी जिल्लामा मात्र नभएर काठमाण्डौ लगायत देशका विभिन्न भाग र बिदेशमा समेत विभिन्न माध्यमवाट पुर्याइने सम्पादक पाख्रिनले जानकारी दिनुभयो ।

पत्रिका प्रकाशनको लागि करीब २ महिना अघिदेखि भइरहेकेा र तयारी अन्तिम चरणमा पुगेको पत्रिका श्रोतले जानकारी दिएको छ ।