सोलुखुम्बुमा विगत ५ बर्षेखि प्रसारणमा रहेको पर्ुवाञ्चलकै पहिलो सामुदायिक रेडियो सोलु एफएमले आफ्नो प्रसारण क्षमता बिस्तार गरेको छ । गत २०६१ भदौ ११ गतेदेखि सल्लेरी गाविस वडा नम्बर ७ दोर्पू बजार -करीब २२०० मिटरको उचाई) मा स्टेशन र टावर स्थापना गरी १०० वाट वाट प्रसारण शुरु गरेको सोलु एफएम यहि जनवरी १ तारिकदेखि ५०० वाटको प्रसारण क्षमता सहित प्रसारणमा रहेको छ । प्रसारण क्षमता बिस्तारका साथमा सोलु एफएमले सोलुखुम्बु जिल्लाको केरुङ गाविसको थाले डाँडा -करीब ३२०० मिटरको उचाई) मा रिपिटर टावर स्थापना गरी प्रसारण शुरु गरिएको हो ।

जिल्ला खेलकुद विकास समिति सोलुखुम्बु र जिल्ला शिक्षा कार्यालय सोलुखुम्बुको संयुक्त आयोजनामा आजदेखि सल्लेरीमा प्रथम राष्ट्रपति रनिङ्ग शील्ड अन्तर मावि खेलकुद प्रतियोगिता शुरु भएको छ । प्रतियोगितामा विभिन्न खेलकुदमा गरी जिल्लाका ३५ विद्यालय मध्ये जम्मा १७ वटा विद्यालयले भाग लिएका छन् ।